Te ku poko dia pasá
Bo por a enkontrami,
Ku mi bòter di bibida duru brasá,
Sintá bou di un palu ta kabisha.
Riba un dia bunita,
Despues di un ratu drumí ku mi wowonan será,
Diripiente m’a bula lanta,
Di un momentu pa otro,
Mi kurpa a kuminsá ta grawatá.
M’a kunsumi,
Bulando di un pa otro pia,
Grawatando aki,
Grawatando aya,
Tur esfuerso por nada.
M’a bai kas ku un kurpa tur korá,
Ku ahinda ta pika di tur banda.
M’a disidí ku nunka mas,
Mi lo no kabishá
Bou di un palu di mansaliña.
No comments:
Post a Comment