I ora solo baha djaleu ta tende sapunan ku nan kansion inkrompendibel.
Pero sa ta ketu?
Ora ta ketu i no tin kriki ni tin sapu.
Mi ta tende blachinan ta kanta
manera un bos ku ta bai pèrdè
Pero lo bira ketu?
Ora ta ketu mi ta tende zonido di laman
olanan ta kanta nan kantika
Semper nan ta bai, sin nunka nan lo tega.
Pero lo keda ketu?
Ora ta ketu mi tende outonan ta kore.
Hendenan ta grita, nan ta zundra
kietut ta keda traishoná
Parse ku nunka no ta ketu.
I si un dia di bèrdat ta ketu
i mi no ta tende olanan ni krikinan
Poko poko e kietut lo murmurá
Ta kon t'asina ketu?
Pero si porfin lo bira ketu
i hasta kietut lo keda ketu
Ami lo no t'aki mas.
i pa mi lo a bira ketu.
-Segundo Demei-
 |
| 15-04-2014: Happy birthday! |
